Курулуш, архитектура жана турак жай-коммуналдык чарба министри Нурдан Орунтаевге сөгүш жарыяланды.
Тиешелүү чечимди Министрлер кабинетинин төрагасы Адылбек Касымалиев 25-августта кабыл алган.
Маалыматка ылайык, министрге сөгүш кызматтык милдеттерин талаптагыдай аткарбагандыгы үчүн берилген.
Чечим «Кыргыз Республикасынын Министрлер кабинети жөнүндө» конституциялык мыйзамдын 18-беренесине жана Эмгек кодексинин 88-беренесинин биринчи бөлүгүнүн 2-пунктуна ылайык кабыл алынган.
