Кыргызстандын президенти Садыр Жапаров Корея Республикасынын президенти Ли Чжэ Мёндун чакыруусу менен 15–18-сентябрда Корея Республикасына расмий сапар менен барат.
Сапардын алкагында мамлекет башчысы жыйынтыгында Сеул декларациясын кабыл алуу пландалган «Борбордук Азия — Корея» биринчи саммитине катышат.
Ошондой эле Садыр Жапаров Кореянын жогорку жетекчилиги менен эки тараптуу сүйлөшүүлөрдү өткөрөт. Сапардын жыйынтыгында экономикалык, инвестициялык, бажы жана башка тармактар боюнча эки тараптуу документтерге кол коюу пландалууда.
