Германиянын Литвада жайгаша турган жаңы бригадасында эки миңге жакын аскер кызматкери жетишпей жатканы айтылууда. Беш миң адамдан турган бөлүктү 2027-жылга чейин толук калыптандыруу пландалган.
Айрым бөлүктөрдүн курамы 30 пайызга да жетпейт. Коргоо министри Борис Писториус Литвага аскерлерди мажбурлап жөнөтүү мүмкүнчүлүгүн жокко чыгарган жок.
Аскер санын көбөйтүү пландалууда
Учурда бундесверде 186 миңдей аскер кызмат өтөйт. Германия бийлиги он жыл ичинде алардын санын 260 миңге жеткирүүнү көздөөдө. Ошол эле учурда мурда келишим түзгөндөрдүн кызматтан баш тартуу тууралуу арыздары көбөйгөн.
Армиядагы оңчул экстремизм боюнча билдирүүлөр да өскөн. Расисттик жана ксенофобиялык көрүнүштөр үчүн жүздөгөн аскер жоопкерчиликке тартылып, айрымдары кызматтан бошотулган.
Канцлер Фридрих Мерц Германиянын армиясын Европадагы эң күчтүү күчкө айлантууну убада кылган. Бирок кадр жетишсиздиги, курал-жарак жеткирүүдөгү кечигүүлөр жана бюрократиялык тоскоолдуктар негизги көйгөй бойдон калууда.
