Курулуш министрлиги Жерүй алтын кен комплексинин вахталык шаарчасында курулуп жаткан административдик-тиричилик корпусуна жана 224 орундуу жатаканага мониторинг жүргүздү.
Текшерүүнүн негизги максаты — курулуш, архитектура жана шаар куруу жаатындагы мыйзамдардын, техникалык регламенттердин жана курулуш нормаларынын сакталышын баалоо болду.
Курулуштун экинчи этабы каралды
Автордук жана техникалык көзөмөлдүн өкүлдөрү менен биргеликте объектинин экинчи этабын кабыл алуунун жыйынтыктары талкууланды.
Адистер төмөнкү багыттарга өзгөчө көңүл бурушту:
- аткарылган иштердин долбоорго шайкештиги;
- аткаруу документтеринин толуктугу;
- курулуш материалдарынын сапаты;
- конструкциялык элементтердин туура жасалышы.
Мониторингдин жыйынтыгында подряддык уюмга курулуш иштеринин сапатын көзөмөлдөөнү күчөтүү жана материалдарды лабораториялык сыноодон өз убагында өткөрүү сунушталды.
