Бүгүн, 27-сентябрда саясатчы, УКМКнын мурдагы төрагасы Камчыбек Ташиев 58 жашка толду.
Ал саясаттагы жолун депутаттыктан баштап, министрлик кызматта иштеп, кийин УКМКны жетектеген.
Камчыбек Ташиев тууралуу 7 факт:
Туулган жери
Камчыбек Ташиев 1968-жылы 27-сентябрда Жалал-Абад облусунун Сузак районундагы Барпы айылында төрөлгөн.
Эки жогорку билим алган
1992-жылы Томск мамлекеттик университетинин химия-технология факультетин, 1998-жылы Кыргыз мамлекеттик улуттук университетинин юридикалык факультетин аяктаган.
Алгачкы ирет Жогорку Кеңешке депутат болгон жыл
2005-жылы Жогорку Кеңештин III чакырылышынын депутаты болуп шайланган. Кийин парламентке кайра келген.
Министр болуп иштеген
2007–2009-жылдары Өзгөчө кырдаалдар министри кызматын аркалаган.
«Ата-Журт» фракциясын жетектеген
2010-жылы Жогорку Кеңешке кайра депутат болуп шайланып, «Ата-Журт» фракциясын жетектеген.
УКМКны жетектеген
2020-жылы УКМКнын төрагасы болуп дайындалып, өлкөнүн башкы атайын кызматын жетектеген.
2026-жылы кызматтан бошотулган
2026-жылдын 10-февралында президенттин жарлыгы менен Министрлер кабинетинин төрагасынын орун басары — УКМКнын төрагасы кызматынан бошотулган.
