Кыргызстандын мурдагы омбудсмени Токон Мамытов «75чилердин каты» деп аталган кайрылууга кол койбогонун билдирди.
Бүгүн, 27-августта, «75чилердин иши» боюнча Бишкек шаардык сотунда кезектеги отурум өтүп жатат. Сот отуруму жабык режимде өтүүдө.
Мамытов сотко күбө катары катышты. «75чилердин катына» кол койгондордун тизмесинде анын аты 15-номерде көрсөтүлгөн. Бирок ал бүгүн сотто кайрылууга кол койбогонун айтты.
Журналисттер Мамытовдон сотко эмне себептен келгенин сурашканда, ал жооп берген жок.
