Бишкек шаарынын мэри Айбек Джунушалиев борбор калаада метро куруу боюнча сунуштар түшсө, муниципалитет тарабынан каралып, тиешелүү иштер башталышы мүмкүн экенин билдирди.
Ал бул тууралуу Бишкекте өткөн илимий-практикалык конференцияда айтты.
Мэрдин айтымында, долбоорду ишке ашыруу үчүн демилгечилер тарабынан тиешелүү долбоор жана каржылоо болушу керек. Ошондой эле техникалык-экономикалык негиздеме иштелип чыгып, аймактын геологиялык өзгөчөлүктөрү изилдениши зарыл.
«Бул маселени иштеп чыгабыз. Техникалык-экономикалык негиздемени даярдайбыз. Геологияны изилдөө сунушталды. Эгер бүгүн ТЭН, инвесторлор жана долбоордун негизги багыттары болсо, биз метро курууга даярбыз», — деди Джунушалиев.
