Бишкекте жол кайгуул кызматкерлери токтоткон айдоочу кызматтык унаадан качып кетүүгө аракет кылган. Окуянын видеосу социалдык тармактарга тарады.
Кадрларда инспекторлор унааны токтотуп, айдоочу жана жүргүнчүлөр менен сүйлөшүп жатканы көрүнөт. Алардын УПСМде иштей турган-иштебей турганы суралганда, баары жок деп жооп берген.
Андан кийин кызматкерлер эркек кишини кызматтык унаага отургузууга аракет кылышкан. Унаа жүрүп баштаганда, ал кызматтык унаадан чыгып, качып кеткен. Инспекторлор анын артынан чуркаган.
Алдын ала маалымат боюнча, айдоочу мас абалда болгон болушу мүмкүн.
УПСМ бул факты боюнча кызматтык текшерүү башталганын билдирип, толук маалымат кийинчерээк берилерин маалымдады.
