Өзбекстандын Президенти Шавкат Мирзиёев 30-июлда Кыргыз Республикасынын Президенти Садыр Жапаровдун чакыруусу менен Кыргызстанга мамлекеттик сапар менен келет.
Президенттин администрациясынын маалыматына ылайык, сапардын алкагында Садыр Жапаров менен Шавкат Мирзиёевдин бетме-бет жана кеңейтилген курамдагы сүйлөшүүлөрү өтөт.
Жолугушуулардын жыйынтыгында мамлекеттер аралык, өкмөттөр аралык жана ведомстволор аралык бир катар документтерге кол коюу пландалууда.
Расмий маалыматка ылайык, Мирзиёевдин мамлекеттик сапары кыргыз-өзбек стратегиялык өнөктөштүгүн мындан ары бекемдөөгө жана эки өлкөнүн кызматташтыгын жаңы деңгээлге чыгарууга багытталган.
