Нижний Новгород мамлекеттик университетинин окумуштуулары адамдын карылыктагы ден соолугун алдын ала баалоого жардам берген диагностикалык система түзүштү.
Система генетикалык жана эпигенетикалык өзгөчөлүктөрдү, анын ичинде микроРНК, шакекче РНК жана геномдун метилденишин талдайт. Бул көрсөткүчтөр жаш куракка байланышкан сезгенүүнү жана организмдин картаюу ыргагын аныктоого мүмкүндүк берет.
Изилдөөчүлөрдүн айтымында, система адамга жашоо образында эмнени өзгөртүү керектигин көрсөтүп, карыганда күч-кубатты жана акыл-эстин сергектигин сактоого жардам берет.
85 жаштан ашкан, ден соолугу жакшы адамдарда картаюуга байланышкан айрым классикалык маркерлер иштебей турганы да аныкталган. Окумуштуулар муну узак жана сапаттуу жашоонун маанилүү факторлорунун бири деп эсептешет.
