Транспорт жана коммуникациялар министринин орун басары Бактылуу Момбеков Талас облусундагы бир катар жолдордун курулушун жеринен текшерди.
Анын ичинде Суусамыр – Талас – Тараз, Талас – Беш-Таш, Кировка – Гребень – Плотина жолдорундагы иштердин жүрүшү каралды.
Ошондой эле «Чыңгыз Ааламы» жана «Манас-Ордо» тарыхый-маданий комплекстерине алып баруучу жолдордун курулушуна көңүл бурулду.
Момбеков жооптуу кызматкерлерге жол иштеринин сапатын күчөтүп, белгиленген мөөнөттөрдү так сактоо тапшырмасын берди.
«Жол куруудагы негизги талап – сапат. Ар бир объект боюнча көзөмөл күчөтүлүшү керек», – деди ал.
Министрлик жолдордун курулушун көзөмөлдөөнү улантарын билдирди.
